Monday, July 31, 2006

Bakat Begini yang Dicari!

Dah lamo den tak jumpo Holmes. Sojak nikah ni den jaghang jumpo dio. Syok dudok ghumah dengan bini. Apo laie den pun dah jadi toke. Holmes tu macam tulah kelakuan ee. Suko dudok soghang soghang tak campur oghang. Masih tinggal doket jalan Baker, colah-colah buku bughuk. Kojo hisap candu, sokojap mabuk sokojap soda. Tak habih beraghan mat jonin, den pun tak taulah apo nak jadi dongan dio.


Dio memang goma buek hal kaji jenayah ni. Sampai bulek bijik mato dibuek ee, pasal minat bonar agak ee. Bondo yang polis tak boleh solosai pun dio nak buek jugo.


Macam-macam ceghito den dongha pasal dio. Dio kono panggil solosaikan kes bunoh Trepoff ke Odessalah, lopeh tu den dongha dia dapek solosaikan kes adik-beradik Atkinson dokek Triconmalee dan lopeh tu bejayo solosaikan kes kuago dighajo Holland.


Lain pado yang ini den tak tau amek. Kadang-kadang adolah terbaco dalam sughatkaba, lobih daghi tu den tau sikit amek pasal kawan lamo dan bokeh toman sobilik den ni.


Terjemahan Tuan
Khalid Jaafar dalam Tuan
Rastom.


.

5 Komen :

At 8:29 AM, Anonymous Roslili Berkata ...

Hmmm! Sedapnya terjemahan loghat NS ni!

 
At 10:19 AM, Anonymous Kak Wan Berkata ...

Memang best!

 
At 12:56 PM, Blogger Panaharjuna Berkata ...

Ha! yolah tu!, tak do ngoso an doh den nak nengok eh!. Keluar lak tulisan jopun kek senia, botambah poning kopalo den!.

 
At 1:29 PM, Anonymous buku 555 Berkata ...

Poning poning sodap dibaco!

 
At 4:19 PM, Anonymous hantu komkom Berkata ...

Mula-mula baca, tak sedap.... dah faham sikit-sikit ejaan loghat NS ni, baru sodap! Tak puas pulak....

 

Post a Comment

<< Home